ਇਸਰੋ ਵਿੱਚ ਵਿਗਿਆਨੀ ਕਿਵੇਂ ਬਣੀਏ ਵਿਸ਼ੇ ਸਬੰਧੀ ਕਰਵਾਏ ਵੈਬੀਨਾਰ ਵਿੱਚ 865 ਵਿਦਿਆਰਥੀਆਂ ਨੇ ਭਾਗ ਲਿਆ!


ਭਗਤ ਪੂਰਨ ਸਿੰਘ ਜੀ ਦੀ 28ਵੀਂ ਬਰਸੀ ਮੌਕੇ ਵੈਬੀਨਾਰ ਕਰਵਾਇਆ
ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਦੀ ਆਰਗੇਨਾਈਜੇਸ਼ਨਲ ਵਰਕਿੰਗ ਕੌਂਸਲ ਵਲੋਂ 5 ਅਗਸਤ, 2020 ਨੂੰ ਵੀਡਿਓ ਕਾਨਫਰੰਸਿੰਗ ਰਾਹੀਂ ਭਗਤ ਪੂਰਨ ਸਿੰਘ ਜੀ ਦੀ 28ਵੀਂ ਬਰਸੀ ਮੌਕੇ “ਭਗਤ ਪੂਰਨ ਸਿੰਘ ਜੀ ਦਾ ਜੀਵਨ ਅਤੇ ਪ੍ਰੇਰਣਾਵਾਂ” ਵਿਸ਼ੇ ‘ਤੇ ਵੈਬੀਨਾਰ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿਚ ਪ੍ਰਿੰ. ਮਨਜੀਤ ਕੌਰ, ਸ਼ਹੀਦ ਸਿੱਖ ਮਿਸ਼ਨਰੀ ਕਾਲਜ, ਸ੍ਰੀ ਅੰਮ੍ਰਿਤਸਰ ਮੁੱਖ ਬੁਲਾਰੇ ਵਜੋਂ ਸ਼ਾਮਲ ਹੋਏ। ਆਰੰਭ ਵਿਚ ਸ੍ਰ. ਤੇਜਿੰਦਰ ਸਿੰਘ ਖਿਜ਼ਰਾਬਾਦੀ ਚੀਫ਼ ਸਕੱਤਰ ਹੁਰਾਂ ਸਵਾਗਤੀ ਸ਼ਬਦ ਪੇਸ਼ ਕਰਦਿਆਂ ਕਿਹਾ ਕਿ ਭਗਤ ਪੂਰਨ ਸਿੰਘ ਜੀ ਦਾ ਆਦਰਸ਼ਕ ਜੀਵਨ, ਲਾਵਾਰਸ ਅਪਾਹਜਾਂ ਦੀ ਮਮਤਾ ਭਰੀ ਲਾ-ਮਿਸਾਲ ਸੇਵਾ ਦੀ ਮਿਸਾਲ ਹੈ।
ਆਪਣੇ ਸੰਬੋਧਨ ਵਿੱਚ ਪ੍ਰਿੰ. ਮਨਜੀਤ ਕੌਰ ਹੁਰਾਂ ਭਗਤ ਪੂਰਨ ਸਿੰਘ ਜੀ ਦੇ ਸਮੁੱਚੇ ਜੀਵਨ ਨੂੰ ਸੁਚੱਜੇ ਢੰਗ ਨਾਲ ਲੜੀਬੱਧ ਕਰਕੇ ਪੇਸ਼ ਕੀਤਾ। ਉਨ੍ਹਾਂ ਪਿਆਰਾ ਸਿੰਘ ਨੂੰ ਸੰਭਾਲਣ ਤੋਂ ਲੈ ਕੇ ਅਜੋਕੇ 10 ਬਰਾਂਚਾਂ ਵਾਲੇ ਭਗਤ ਪੂਰਨ ਸਿੰਘ ਪਿੰਗਲਵਾੜਾ, ਅੰਮ੍ਰਿਤਸਰ ਦੀ ਹਰ ਗਤੀਵਿਧੀ ਦਾ ਵਰਨਣ ਪ੍ਰਭਾਵਸ਼ਾਲੀ ਸ਼ਬਦਾਂ ਵਿਚ ਕੀਤਾ। ਉਨ੍ਹਾਂ ਕਿਹਾ ਕਿ ਭਗਤ ਪੂਰਨ ਸਿੰਘ ਜੀ ਨੇ ਪ੍ਰਦੂਸ਼ਣ, ਜਲ ਸਾਧਨਾਂ, ਜੰਗਲਾਂ ਦੀ ਕਟਾਈ ਤੋਂ ਪੈਦਾ ਹੋਣ ਵਾਲੇ ਖ਼ਤਰਿਆਂ ਨਾਲ ਸਬੰਧਿਤ ਅਨੇਕਾਂ ਕਿਤਾਬਚੇ, ਟ੍ਰੈਕਟ, ਫੋਲਡਰ ਅਤੇ ਇਸ਼ਤਿਹਾਰ ਲੱਖਾਂ ਦੀ ਗਿਣਤੀ ਵਿਚ ਛਾਪ ਕੇ ਵੰਡੇ। ਅੱਜ ਵੀ ਦੇਸ਼ ਭਰ ਦੇ ਵੱਖ-ਵੱਖ ਇਤਿਹਾਸਕ ਗੁਰਦੁਆਰਿਆਂ ਵਿਚ ਉਨ੍ਹਾਂ ਦੇ ਸਮਰਥਕ ਮੁਫ਼ਤ ਸਾਹਿਤ ਵੰਡ ਰਹੇ ਹਨ।
ਪ੍ਰਿੰ. ਮਨਜੀਤ ਕੌਰ ਹੁਰਾਂ ਭਗਤ ਜੀ ਦੇ ਜੀਵਨ ਤੋਂ ਮਿਲਦੀਆਂ ਪ੍ਰੇਰਣਾਵਾਂ ਦਾ ਜ਼ਿਕਰ ਕਰਦਿਆਂ ਦੱਸਿਆ ਕਿ ਦੁਨੀਆਂ ਭਰ ਵਿਚ ਭਗਤ ਪੂਰਨ ਸਿੰਘ ਵਰਗੇ ਲੂਲੇ ਲੰਗੜੇ ਤੇ ਬੇਸਹਾਰਾ ਲੋਕਾਂ ਦਾ ਮਸੀਹਾ ਕਿਤੇ ਨਹੀਂ ਮਿਲਦੇ। ਉਨ੍ਹਾਂ ਭਗਤ ਜੀ ਦੇ ਜੀਵਨ ਵਿਚਲੀ ਮਨ ਨੀਵਾਂ ਮਤਿ ਉੱਚੀ ਦੀ ਜ਼ਾਹਰਾ ਤਸਵੀਰ ਪੇਸ਼ ਕੀਤੀ।
ਭਾਈ ਬਲਜੀਤ ਸਿੰਘ ਵਾਈਸ ਚੇਅਰਮੈਨ ਹੁਰਾਂ ਸਾਰੀਆਂ ਵਿਚਾਰਾਂ ਦਾ ਸਮ-ਅੱਪ ਕਰਦਿਆਂ ਕਿਹਾ ਕਿ ਭਗਤ ਪੂਰਨ ਸਿੰਘ ਜੀ ਨੂੰ ਸਾਰੀ ਦੁਨੀਆਂ ਸੇਵਾ ਦੇ ਪੁੰਜ ਦੇ ਤੌਰ ‘ਤੇ ਜਾਣਦੀ ਹੈ। ਆਪ ਕਦੇ ਮਾਂ ਦੇ ਰੂਪ ਵਿਚ, ਕਦੇ ਪਿਤਾ ਦੇ ਰੂਪ ਵਿਚ ਅਤੇ ਕਦੇ ਇੱਕ ਵੱਡੇ ਭਰਾ ਵਾਂਗ ਹਰ ਵੇਲੇ ਇਨਸਾਨੀਅਤ ਦੀ ਸੇਵਾ ਵਿਚ ਹਾਜ਼ਰ ਰਹਿੰਦੇ ਸਨ। ਆਪਣੀ ਨਿਸ਼ਕਾਮ ਸੇਵਾ ਅਤੇ ਵਿਲੱਖਣ ਸਾਹਿਤ ਸਿਰਜਣਾ ਸਦਕਾ ਉਹ ਸਦਾ ਸਾਡੇ ਅੰਗ ਸੰਗ ਹਨ। ਸ੍ਰ. ਮਨਪ੍ਰੀਤ ਸਿੰਘ ਨੰਗਲ ਮੀਡੀਆ ਸਕੱਤਰ, ਕੇਂਦਰੀ ਵਿਦਿਆਰਥੀ ਕੌਂਸਲ ਹੁਰਾਂ ਵੈਬੀਨਾਰ ਦਾ ਤਕਨੀਕੀ ਨਿਰਦੇਸ਼ਨ ਬਾਖੂਬੀ ਕੀਤਾ।
ਡਾ. ਇੰਦਰਜੀਤ ਸਿੰਘ ਐਗਰੀਕਲਚਰਲ ਐਂਡ ਰੂਰਲ ਡਿਵੈਲਪਮੈਂਟ ਸੈਂਟਰ ਵੱਲੋਂ ਬਰਸਾਤਾਂ ਵਿਚ ਫ਼ਲਦਾਰ ਬੂਟਿਆਂ ਦਾ ਨਵਾਂ ਬਾਗ ਕਿਵੇਂ ਲਗਾਈਏ ਵਿਸ਼ੇ ‘ਤੇ ਵੈਬੀਨਾਰ ਦਾ ਆਯੋਜਨ
ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਦੇ ਅਦਾਰੇ ਡਾ. ਇੰਦਰਜੀਤ ਸਿੰਘ ਐਗਰੀਕਲਚਰਲ ਐਂਡ ਰੂਰਲ ਡਿਵੈਲਪਮੈਂਟ ਸੈਂਟਰ ਵਲੋਂ 6 ਅਗਸਤ 2020 ਨੂੰ ਇੱਕ ਵਿਸ਼ੇਸ਼ ਵੈਬੀਨਾਰ “ਬਰਸਾਤਾਂ ਵਿਚ ਫ਼ਲਦਾਰ ਬੂਟਿਆਂ ਦਾ ਨਵਾਂ ਬਾਗ ਕਿਵੇਂ ਲਗਾਈਏ” ਵਿਸ਼ੇ ਸਬੰਧੀ ਵੀਡੀਓ ਕਾਨਫਰੰਸਿੰਗ ਰਾਹੀਂ ਆਯੋਜਿਤ ਕੀਤਾ ਗਿਆ। ਇਸ ਵੈਬੀਨਾਰ ਵਿੱਚ ਮੁੱਖ ਬੁਲਾਰੇ ਵਜੋਂ ਡਾ. ਜਗਤਾਰ ਸਿੰਘ (ਬੱਲ), ਸਾਬਕਾ ਪ੍ਰੋਫੈਸਰ, ਬਾਗਬਾਨੀ ਵਿਭਾਗ, ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ, ਲੁਧਿਆਣਾ ਵਿਸ਼ੇਸ਼ ਤੌਰ ‘ਤੇ ਸ਼ਾਮਲ ਹੋਏ। ਆਰੰਭ ਵਿੱਚ ਡਾ. ਮਹਿੰਦਰ ਸਿੰਘ ਡਾਇਰੈਕਟਰ, ਡਾ. ਇੰਦਰਜੀਤ ਸਿੰਘ ਐਗਰੀਕਲਚਰਲ ਐਂਡ ਰੂਰਲ ਡਿਵੈਲਪਮੈਂਟ ਸੈਂਟਰ ਅਤੇ ਸੰਪਾਦਕ ਬਹੁਮੰਤਵੀ ਖੇਤੀ ਹੁਰਾਂ ਸੈਂਟਰ ਬਾਰੇ ਵਿਸਤ੍ਰਿਤ ਜਾਣਕਾਰੀ ਦਿੱਤੀ। ਉਨ੍ਹਾਂ ਖੇਤੀ ਮਾਹਿਰਾਂ ਦੁਆਰਾ ਬਾਗ ਲਗਾਉਣ ਸਬੰਧੀ ਹੋ ਰਹੀ ਖੋਜ ਬਾਰੇ ਚਰਚਾ ਕੀਤੀ ਅਤੇ ਸੈਂਟਰ ਦੇ ਤ੍ਰੈਮਾਸਿਕ ਮੈਗਜ਼ੀਨ ‘ਬਹੁ ਮੰਤਵੀ ਖੇਤੀ’ ਬਾਰੇ ਦੱਸਿਆ। ਉਨ੍ਹਾਂ ਡਾ. ਜਗਤਾਰ ਸਿੰਘ ਬੱਲ ਹੁਰਾਂ ਦਾ ਸਵਾਗਤ ਕਰਦਿਆਂ ਉਨ੍ਹਾਂ ਦੀਆਂ ਜੀਵਨ ਪ੍ਰਾਪਤੀਆਂ ਅਤੇ ਖੋਜਾਂ ਬਾਰੇ ਵੀ ਜਾਣਕਾਰੀ ਦਿੱਤੀ।
ਡਾਕਟਰ ਜਗਤਾਰ ਸਿੰਘ ਬੱਲ ਹੁਰਾਂ ਆਪਣੇ ਜੀਵਨ ਭਰ ਦੇ ਅਨੁਭਵਾਂ ਦੇ ਅਧਾਰ ‘ਤੇ ਫ਼ਲਦਾਰ ਬੂਟੇ ਲਗਾਉਣ ਅਤੇ ਬਾਗ ਤਿਆਰ ਕਰਨ ਦੇ ਪੜਾਵਾਂ ਦਾ ਸਿੱਖਿਆਦਾਇਕ ਢੰਗ ਨਾਲ ਵਰਨਣ ਕੀਤਾ। ਉਨ੍ਹਾਂ ਸਿਟਰਸ ਫ਼ਲ ਕੀਨੂੰ, ਸੰਤਰਾ, ਮਾਲਟਾ, ਨਿੰਬੂ, ਅਮਰੂਦ, ਅੰਬ, ਲੀਚੀ, ਲੁਕਾਠ ਅਤੇ ਪਪੀਤਾ ਜਾਤੀ ਦੀਆਂ ਕਿਸਮਾਂ ਆਦਿ ਬਾਰੇ ਵਿਸਥਾਰ ਨਾਲ ਦੱਸਿਆ। ਉਨ੍ਹਾਂ ਬੂਟੇ ਲਗਾਉਣ ਦੇ ਤਿੰਨ ਵੱਖੋ ਵੱਖ ਢੰਗਾਂ ਦੀ ਬੜੀ ਸਪੱਸ਼ਟ ਵਿਆਖਿਆ ਵੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਅਗਸਤ-ਸਤੰਬਰ ਦਾ ਮਹੀਨਾ ਫ਼ਲਦਾਰ ਰੁੱਖ ਬੂਟੇ ਲਗਾਉਣ ਲਈ ਹਰ ਤਰ੍ਹਾਂ ਅਨੁਕੂਲ ਹੈ। ਘਰਾਂ ਵਿੱਚ ਵੀ ਫ਼ਲਦਾਰ ਬੂਟੇ ਲਗਾਉਣ ਨਾਲ ਜਿਥੇ ਪੈਸੇ ਦੀ ਬੱਚਤ ਹੁੰਦੀ ਹੈ ਉਥੇ ਇਹ ਰਸਾਇਣਕ ਦਵਾਈਆਂ ਤੋਂ ਵੀ ਬਚਾਅ ਅਤੇ ਸਿਹਤ ਲਈ ਵੀ ਲਾਭਦਾਇਕ ਹੈ।
ਡਾ. ਜਗਤਾਰ ਸਿੰਘ ਹੁਰਾਂ ਦੇ ਭਾਸ਼ਣ ਵਿਚੋਂ ਵਿਸ਼ਾਲ ਤਜ਼ਰਬੇ ਦਾ ਪ੍ਰਮਾਣ ਮਿਲਦਾ ਸੀ। ਉਨ੍ਹਾਂ ਕਿਹਾ ਕਿ ਅਗਾਂਹਵਧੂ ਕਿਸਾਨ ਟਰੇਨਿੰਗ ਲੈ ਕੇ ਚੰਗੀ ਸਾਂਭ ਸੰਭਾਲ ਕਰਦੇ ਹਨ ਇਸ ਲਈ ਪੀ.ਏ.ਯੂ. ਦੇ ਬਾਗਬਾਨੀ ਮਾਹਿਰਾਂ ਅਤੇ ਪੰਜਾਬ ਸਰਕਾਰ ਦੇ ਬਾਗਬਾਨੀ ਅਫ਼ਸਰਾਂ ਦੀ ਸਹਾਇਤਾ ਲੈਣੀ ਚਾਹੀਦੀ ਹੈ। ਉਨ੍ਹਾਂ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦੀ ਹੈਲਪ-ਲਾਈਨ ਤੋਂ ਮਦਦ ਲੈਣ ਲਈ ਵੀ ਕਿਹਾ।
ਸ੍ਰ. ਮਨਪ੍ਰੀਤ ਸਿੰਘ ਨੰਗਲ, ਮੀਡੀਆ ਸਕੱਤਰ, ਕੇਂਦਰੀ ਵਿਦਿਆਰਥੀ ਕੌਂਸਲ ਹੁਰਾਂ ਵੈਬੀਨਾਰ ਦਾ ਸੰਚਾਲਨ ਕਰਦਿਆਂ ਡਾਕਟਰ ਸਾਹਿਬ ਦੇ ਭਾਸ਼ਣ ਦੀ ਸ਼ਲਾਘਾ ਕੀਤੀ ਅਤੇ ਹਰ ਨੁਕਤੇ ਬਾਰੇ ਸਪੱਸ਼ਟਤਾ ਨਾਲ ਚਰਚਾ ਕਰਨ ਲਈ ਧੰਨਵਾਦ ਕੀਤਾ।


ਜਪੁਜੀ ਸਾਹਿਬ ਦੇ ਸੁਨੇਹੇ ਵਿਸ਼ੇ ‘ਤੇ ਲੜੀਵਾਰ ਵਿਚਾਰ
ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਦੀ ਇਸਤਰੀ ਕੌਂਸਲ ਵਲੋਂ ਜਪੁਜੀ ਸਾਹਿਬ ਦੇ ਸੁਨੇਹੇ ਵਿਸ਼ੇ ‘ਤੇ ਆਰੰਭ ਕੀਤੀ ਗੁਰਮਤਿ ਵਿਚਾਰ ਲੜੀ ਦਾ ਅਗਲੇਰਾ ਵੈਬੀਨਾਰ 31 ਜੁਲਾਈ 2020 ਨੂੰ ਵੀਡਿਓ ਕਾਨਫਰੰਸਿੰਗ ਰਾਹੀਂ ਆਯੋਜਿਤ ਕੀਤਾ ਗਿਆ। ਇਸ ਵੈਬੀਨਾਰ ਵਿੱਚ ਮੁੱਖ ਬੁਲਾਰੇ ਦੇ ਤੌਰ ‘ਤੇ ਸ੍ਰੀ ਮਤੀ ਬਿਮਲਾ ਦੇਵੀ ਮੈਂਬਰ ਇਸਤਰੀ ਕੌਂਸਲ, ਹੁਸ਼ਿਆਰਪੁਰ ਜ਼ੋਨ ਨੇ 32ਵੀਂ ਅਤੇ 33ਵੀਂ ਪਉੜੀ ਦੀ ਵਿਆਖਿਆ ਕੀਤੀ। ਉਨ੍ਹਾਂ ਬਾਣੀ ਵਿਚਾਰ ਕਰਦਿਆਂ ਕਿਹਾ ਕਿ ਗੁਰੂ ਸਾਹਿਬ ਨੇ ਧਰਤੀ ਨੂੰ ਕਰਮ ਭੂਮੀ ਆਖਿਆ ਹੈ। ਪੂਰਨ ਪਰਮਾਤਮਾ ਨਿਆਂ ਕਰਦਾ ਹੈ। ਉਸ ਦੇ ਨਿਆਂ ਦੇ ਅਧਾਰ ‘ਤੇ ਹੀ ਪਰਮਾਤਮਾ ਨਾਲ ਨੇੜਤਾ ਅਤੇ ਦੂਰੀ ਪ੍ਰਾਪਤ ਹੁੰਦੀ ਹੈ। ਪ੍ਰਭੂ ਦੇ ਦਰ ਉੱਤੇ ਜੀਵਾਂ ਦੇ ਵਿਵਹਾਰ ਦੀ ਪਰਖ ਹੁੰਦੀ ਹੈ। ਇਸ ਮੌਕੇ ਜਪੁਜੀ ਸਾਹਿਬ ਦੇ ਪੰਜ ਖੰਡਾਂ ਬਾਰੇ ਮੁੱਢਲੀ ਜਾਣਕਾਰੀ ਡਾ. ਜਗਦੀਪ ਕੌਰ, ਪ੍ਰਿੰਸੀਪਲ ਤਾਰਾ ਵਿਵੇਕ ਕਾਲਜ, ਗੱਜਣ ਮਾਜਰਾ (ਸੰਗਰੂਰ) ਨੇ ਦਿੱਤੀ। ਉਨ੍ਹਾਂ ਨੇ ਗੁਰੂ ਅਤੇ ਚੇਲੇ ਦੇ ਰਿਸ਼ਤੇ ਦੀ ਅਹਿਮੀਅਤ ਨੂੰ ਦੱਸਦੇ ਹੋਏ ਗੁਰੂ ਦੀ ਮੱਤ ਅਨੁਸਾਰ ਚੱਲਣ ਦਾ ਸੰਦੇਸ਼ ਦਿੱਤਾ। ਉਨ੍ਹਾਂ ਕਿਹਾ ਕਿ ਪੰਜਾਂ ਖੰਡਾਂ ਅਨੁਸਾਰ ਵਿਚਰਨ ਵਿਚ ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਮਨ ਦੀ ਸਫ਼ਾਈ ਵਿੱਚ ਸਿਆਣਪ ਦੀ ਵੁੱਕਤ ਨਹੀਂ ਹੈ। ਮਾਲਿਕ ਅੱਗੇ ਨਿਮਾਣਾ ਬਣਕੇ ਬੈਠਣਾ ਹੋਵੇਗਾ, ਇਹ ਸਿੱਖਿਆ ਪਹਿਲਾਂ ਸਿੱਖਣੀ ਹੋਵੇਗੀ। ਡਾ. ਬਲਵਿੰਦਰਪਾਲ ਸਿੰਘ ਸੰਪਾਦਕ ‘ਸਾਡਾ ਵਿਰਸਾ ਸਾਡਾ ਗੌਰਵ’ ਨੇ ਪੰਜਾਂ ਖੰਡਾਂ ਬਾਰੇ ਬਹੁਤ ਹੀ ਸੌਖੀ ਭਾਸ਼ਾ ਰਾਹੀਂ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਪਰਮਾਤਮਾ ਦੇ ਦਰਬਾਰ ਵਿੱਚ ਸਾਰੀ ਧਰਤੀ ਧਰਮਸਾਲ ਦੇ ਬਹੁਰੰਗੀ ਜੀਵਨ ਦਾ ਨਿਬੇੜਾ ਨਾਲੋ ਨਾਲ ਹੁੰਦਾ ਹੈ। ਅਸੀਂ ਸਾਰੇ ਧਰਮ ਖੰਡ ਵਿੱਚ ਵਿਚਰਦੇ ਹੋਏ ਮਸਤਕ ਦਾ ਕਿਰਪਾ ਨਿਸ਼ਾਨ ਪਰਾਪਤ ਕਰ ਸਕਦੇ ਹਾਂ। ਇਸ ਤੋਂ ਅਗਲਾ ਪੜਾਅ ਗਿਆਨ ਖੰਡ ਦਾ ਸ਼ੁਰੂ ਹੁੰਦਾ ਹੈ। ਇਹ ਸਾਰਾ ਸਿਲਸਿਲਾ ਆਤਮਿਕ ਤੌਰ ਦੇ ਨਾਲ-ਨਾਲ ਸੰਸਾਰਿਕ ਤੌਰ ‘ਤੇ ਵੀ ਵਾਪਰਦਾ ਹੈ। ਸਰਮਖੰਡ ਸਾਧਸੰਗਤ ਅਤੇ ਸ਼ਬਦ ਵਿਚਾਰ ਅਭਿਆਸ ਵਰਤਾਰਾ ਹੈ। ਕਰਮਖੰਡ ਅਤੇ ਸੱਚਖੰਡ ਬਖਸ਼ਿਸ਼ ਅਤੇ ਨਿਰੰਕਾਰ ਵਾਸੇ ਦੇ ਹਨ। ਸਮਾਗਮ ਦੇ ਅੰਤ ਵਿੱਚ ਪ੍ਰਿੰਸੀਪਲ ਕਵਲਜੀਤ ਕੌਰ ਮੁਹਾਲੀ, ਡਿਪਟੀ ਚੀਫ਼ ਆਰਗੇਨਾਈਜ਼ਰ, ਇਸਤਰੀ ਕੌਂਸਲ ਨੇ ਸ਼ਮੂਲੀਅਤ ਕਰਨ ‘ਤੇ ਸਭਨਾਂ ਦਾ ਧੰਨਵਾਦ ਕੀਤਾ।
ਸਮਾਗਮ ਦੌਰਾਨ ਮੰਚ ਦਾ ਸੰਚਾਲਨ ਬੀਬੀ ਸੁਰਜੀਤ ਕੌਰ ਮੈਂਬਰ, ਸਾਹਿਤਕਾਰ ਸਦਨ ਭੋਗਪੁਰ (ਜਲੰਧਰ-ਕਪੂਰਥਲਾ ਜ਼ੋਨ) ਨੇ ਕੀਤਾ। ਤਕਨੀਕੀ ਸਹਾਇਕ ਸਰਦਾਰ ਹਰਮੋਹਿੰਦਰ ਸਿੰਘ ਸਟੇਟ ਸਕੱਤਰ, ਪੰਜਾਬ ਸਟੇਟ ਵਲੋਂ ਇਸ ਲੜੀਵਾਰ ਕਥਾ ਨੂੰ ਜਾਰੀ ਰੱਖਣ ਅਤੇ ਵੱਧ ਤੋਂ ਵੱਧ ਸਰੋਤਿਆਂ ਨੂੰ ਜੁੜਨ ਦੀ ਅਪੀਲ ਕੀਤੀ ਗਈ।














ਡਾ. ਇੰਦਰਜੀਤ ਸਿੰਘ ਐਗਰੀਕਲਚਰਲ ਐਂਡ ਰੂਰਲ ਡਿਵੈਲਪਮੈਂਟ ਸੈਂਟਰ ਵੱਲੋਂ ਦੁਧਾਰੂ ਪਸ਼ੂਆਂ ਦੀ ਗਰਮੀਆਂ ਵਿੱਚ ਸੰਭਾਲ ਬਾਰੇ ਵੈਬੀਨਾਰ




ਭਗਤ ਕਬੀਰ ਜੀ ਦਾ ਜੀਵਨ ਅਤੇ ਬਾਣੀ ਵਿਚੋਂ ਮਿਲਦੇ ਸੁਨੇਹੇ ਵਿਸ਼ੇ ਸਬੰਧੀ ਵੈਬੀਨਾਰ:- ਸ੍ਰ. ਪਰਮਜੀਤ ਸਿੰਘ ਸੁਚਿੰਤਨ
ਗੁਰੂ ਰਾਮ ਦਾਸ ਆਰਥਿਕ ਵਿਕਾਸ ਕੇਂਦਰ, ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਵਲੋਂ ਪੰਜਾਬ ਐਂਡ ਸਿੰਧ ਬੈਂਕ ਬਾਰੇ ਵੈਬੀਨਾਰ!


ਮਾਸਟਰ ਤਾਰਾ ਸਿੰਘ ਦਾ ਜੀਵਨ ਸੱਚੇ ਅਰਥਾਂ ਵਿਚ ਪੰਥਕ ਤੇ ਪ੍ਰੇਰਨਾਮਈ ਸੀ !
ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ 100 ਸਾਲਾ ਇਤਿਹਾਸ ਅਤੇ ਪ੍ਰਾਪਤੀਆਂ ਸਬੰਧੀ ਵਿਸ਼ੇਸ਼ ਵੈਬੀਨਾਰ






ਗੁਰੂ ਤੇਗ ਬਹਾਦਰ ਸਾਹਿਬ ਨੇ ਗੁਰਬਾਣੀ ਤੇ ਕੁਰਬਾਨੀ ਦੁਆਰਾ ਮਾਨਵਵਾਦ ਦਾ ਝੰਡਾ ਬੁਲੰਦ ਕੀਤਾ !
ਮਨ ਨੂੰ ਪਸ਼ੂ ਬਿਰਤੀਆਂ ਦੇ ਸੰਸਕਾਰਾਂ ‘ਚੋਂ ਕੱਢ ਕੇ ਗੁਰੂ ਸ਼ਬਦ ਨਾਲ ਜੋੜੀਏ !


ਇਸਤਰੀ ਆਪਣੇ ਅੰਦਰ ਸੱਦਗੁਣਾਂ ਦਾ ਵਿਕਾਸ ਕਰਕੇ ਰੋਲ ਮਾਡਲ ਬਣੇ !


ਭਾਈ ਕਾਨ੍ਹ ਸਿੰਘ ਨਾਭਾ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ ਐਂਡ ਹਿਊਮਨ ਰਿਸੋਰਸ ਡਿਵੈਲਪਮੈਂਟ ਵੱਲੋਂ ਕੋਵਿਡ –19 ਦੌਰਾਨ ਐਡਮਿਨ ਕੌਂਸਲ ਦੇ ਸਹਿਯੋਗ ਨਾਲ 5 ਰੋਜ਼ਾ ਆਨ ਲਾਈਨ ਕਾਰਜਸ਼ਾਲਾ ਲਗਾਈ ਗਈ।ਜਿਸ ਵਿੱਚ ਅਲੱਗ ਅਲੱਗ ਦਿਨਾਂ ਵਿੱਚ 380 ਕਾਰਜਕਰਤਾਵਾਂ ਨੇ ਭਾਗ ਲਿਆ ਅਤੇ ਵੱਡਮੁਲੇ ਵਿਚਾਰ ਸਾਂਝੇ ਕੀਤੇ ਗਏ।
ਡਾਇਰੈਕਟਰ ਭਾਈ ਕਾਨ੍ਹ ਸਿੰਘ ਨਾਭਾ ਸਰਦਾਰ ਗੁਰਮੀਤ ਸਿੰਘ ਹੁਰਾਂ ਨੇ ਅਮਰੀਕਾ ਤੋਂ ਸੰਸਥਾ ਦੀਆਂ ਪ੍ਰਾਪਤੀਆਂ ਅਤੇ ਉਦੇਸ਼ਾਂ ਦਾ ਵਰਣਨ ਕੀਤਾ। ਉਹਨਾਂ ਦੱਸਿਆ ਕਿ ਸੰਗਠਨ ਨੂੰ ਗਲੋਬਲ ਵੰਗਾਰਾਂ ਦਾ ਅਧਿਐਨ ਕਰਕੇ ਇਹਨਾਂ ਦੇ ਸਮਾਧਾਨ ਵਿੱਚ ਵੀ ਹਿੱਸਾ ਪਾਉਣ ਵੱਲ ਪਹਿਲਾਂ ਤੋਂ ਵੱਧ ਯੋਗਦਾਨ ਪਾਉਣਾ ਪਵੇਗਾ। ਸਮੂਹ ਕਾਰਜਕਰਤਾਵਾਂ ਨੂੰ ਇਨ੍ਹਾਂ ਚੁਣੌਤੀਆਂ ਲਈ ਆਪਣੇ ਆਪ ਨੂੰ ਤਿਆਰ ਤੇ ਸਿਖਿਅਤ ਕਰਨਾ ਹੋਵੇਗਾ, ਤਾਂ ਹੀ ਅਸੀਂ ਸਮੇਂ ਦੇ ਹਾਣੀ ਬਣ ਸਕਾਂਗੇ।
- ਕਾਰਜਸ਼ਾਲਾ ਦੇ ਪਹਿਲੇ ਦਿਨ ਚੇਅਰਮੈਨ, ਸਰਦਾਰ ਜਤਿੰਦਰਪਾਲ ਸਿੰਘ ਹੁਰਾਂ, ਉਨ੍ਹਾਂ ਜਥੇਬੰਦੀ ਦੀ ਲੋੜ, ਸਿਧਾਂਤਕ ਇੱਕਸੁਰਤਾ, ਕਾਰਜ ਸਮਰੱਥਾ, ਮਾਨਸਿਕ ਵਿਕਾਸ ਅਤੇ ਵਿਸ਼ਵ ਪੱਧਰੀ ਕਾਰਜ ਇਕਜੁੱਟਤਾ ਬਾਰੇ ਦੱਸਿਆ। ਉਨ੍ਹਾਂ ਕਿਹਾ ਕਿ ਵਿਅਕਤੀਗਤ ਸੇਵਾ ਇੱਛਾ ਭਾਵੇਂ ਚੰਗੀ ਹੈ ਪਰ “ਜਮਾਤ ਕਰਾਮਾਤ” ਦਾ ਗੁਣ ਕੇਵਲ ਜਥੇਬੰਦੀ ਵਿੱਚ “ਮਾਲਾ ਵਾਂਗ ਪਰੋਤਿਆਂ ਹੀ ਸੰਭਵ ਹੈ”। ਉਨ੍ਹਾਂ ਕਿਹਾ ਕਿ ਸਰਬਤ ਦੇ ਭਲੇ ਵਿੱਚ ਹੀ ਆਪਣਾ ਭਲਾ ਹੈ : ਦੋ ਵਿਸ਼ਿਆਂ ਨੂੰ ਪੀ. ਪੀ. ਟੀ. ਰਾਹੀਂ ਬੜੇ ਵਿਸਥਾਰ ਨਾਲ ਸਮਝਾਇਆ। ਦੂਜੇ ਭਾਗ ਵਿੱਚ ਉਨ੍ਹਾਂ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਦੇ ਉਦੇਸ਼ਾਂ, ਨਿਸ਼ਾਨਿਆਂ, ਜਥੇਬੰਦਕ ਢਾਂਚੇ, ਗਤੀਵਿਧੀਆਂ, ਕਾਰਜਾਂ ਵਿਚ ਵਰਗੀਕ੍ਰਿਤ ਕੌਂਸਲਾਂ ਆਦਿ ਬਾਰੇ ਇਕ ਇਕ ਅੰਗ ਨੂੰ ਸਪੱਸ਼ਟ ਕਰਕੇ ਵਿਸਥਾਰ ਵਿੱਚ ਦਸਿਆ । ਉਨ੍ਹਾਂ ਵਿਦਿਅਕ, ਸਮਾਜਿਕ ਖੇਤਰ, ਭਾਸ਼ਾ-ਸਭਿਆਚਾਰਕ ਮਾਮਲੇ, ਮਾਨਵੀ ਸਾਧਨਾਂ ਦਾ ਵਿਕਾਸ, ਇਸਤਰੀ ਸਸ਼ੱਕਤੀਕਰਣ ਆਦਿ ਕਾਰਜ ਖੇਤਰਾਂ ਵਿਚ ਕਿਵੇਂ ਕੌਂਸਲਾਂ ਕਾਰਜ ਕਰਦੀਆਂ ਹਨ, ਇਸ ਬਾਰੇ ਚਾਨਣਾ ਪਾਇਆ। ਵਿੱਤੀ ਕੌਂਸਲ, ਯੋਜਨਾਬੰਦੀ ਕੌਂਸਲ, ਪ੍ਰਬੰਧਕੀ ਕੌਂਸਲ, ਕੋਲੈਬੋਰੇਸ਼ਨ ਕੌਂਸਲ ਬਾਰੇ ਵੀ ਦੱਸਿਆ। ਉਨ੍ਹਾਂ ਜਥੇਬੰਦਕ ਅਨੁਭਵ ਸਾਂਝੇ ਕਰਦਿਆਂ “ਵਿਸ਼ਵ ਵਰਤੀ ਸੋਚੋ! ਸਥਾਨਕ ਪੱਧਰ ‘ਤੇ ਕੰਮ ਕਰੋ।” (Think Globally Act Locally) ਦਾ ਨੁਕਤਾ ਵੀ ਸਮਝਾਇਆ।
- ਕਾਰਜਸ਼ਾਲਾ ਦੇ ਦੂਸਰੇ ਦਿਨ ਡਾਕਟਰ ਅਵੀਨਿੰਦਰਪਾਲ ਸਿੰਘ ਡਾਇਰੈਕਟਰ ਜਨਰਲ, ਐੱਚ.ਆਰ.ਡੀ.ਐਂਡ ਪਲਾਨਿੰਗ ਕੌਂਸਲ ਹੁਰਾਂ ਕਿਹਾ ਕਿ ਜਥੇਬੰਦਕ ਸਭਿਆਚਾਰ ਉਨ੍ਹਾਂ ਕਦਰਾਂ-ਕੀਮਤਾਂ ਦਾ ਗੁਲਦਸਤਾ ਹੈ, ਇਨ੍ਹਾਂ ਕਰਕੇ ਜਥੇਬੰਦੀ ਦੀ ਹੋਂਦ ਹੈ। ਇਹ ਕਦਰਾਂ ਕੀਮਤਾਂ ਜਥੇਬੰਦੀ ਦੇ ਹਰੇਕ ਮੈਂਬਰ ਤੇ ਵਲੰਟੀਅਰ ਵੱਲੋਂ ਜਥੇਬੰਦਕ ਕਾਰਜ ਕਰਦਿਆਂ ਅਤੇ ਆਪਣਾ ਨਿਜੀ ਜੀਵਨ ਜਿਉਂਦਿਆਂ ਅਪਣਾਈਆਂ ਜਾਂਦੀਆਂ ਹਨ।
ਆਪਣੇ ਵਿਚਾਰਾਂ ਦੀ ਵਿਆਖਿਆ ਕਰਦਿਆਂ ਉਹਨਾਂ ਕਿਹਾ ਕਿ ਸਾਰਿਆਂ ਨੂੰ ਨਾਲ ਲੈ ਕੇ ਚਲਣਾ ਜਥੇਬੰਦਕ ਸੱਭਿਆਚਾਰ ਦਾ ਮੁੱਢਲਾ ਗੁਣ ਹੈ। ਇਕੱਤਰਤਾਵਾਂ ਸਮੇਂ ਭਾਵੇਂ ਵੱਖ ਵੱਖ ਵੀਚਾਰਾਂ ਦੀ ਸਾਂਝ ਹੋਵੇ ਪਰ ਸਾਰੇ ਫ਼ੈਸਲੇ ਸਰਬ-ਸੰਮਤੀ ਨਾਲ ਲੈਣੇ ਹਨ ਬਹੁ-ਸੰਮਤੀ ਨਾਲ ਨਹੀਂ। ਫੈਸਲੇ ਉਪਰੰਤ ਕੋਈ ਮਤ-ਭੇਦ ਜਾਂ ਮਨ-ਭੇਦ ਨਹੀਂ ਹੋਣਾ ਚਾਹੀਦਾ। ਉਨ੍ਹਾਂ ਕਿਹਾ ਕਿ ਨਿਜੀ ਜੀਵਨ ਦੀ ਪੱਕਿਆਈ, ਸੇਵਾ ਕਾਰਜ ਕਰਦਿਆਂ ਹਰੇਕ ਨੂੰ ਮਾਣ ਸਤਿਕਾਰ ਦੇਣਾ, ਅਨੁਸਾਸ਼ਨ ਬੱਧਤਾ, ਸ਼ੁਧਭਾਵਨਾ ਆਦਿ ਜਥੇਬੰਦਕ ਸੱਭਿਆਚਾਰ ਦੇ ਵਿਸ਼ੇਸ਼ ਗੁਣ ਹਨ।
- ਕਾਰਜਸ਼ਾਲਾ ਦੇ ਤੀਸਰੇ ਦਿਨ ਡਾਕਟਰ ਮਨਦੀਪ ਸਿੰਘ ਰਿਸੋਰਸ ਪਰਸਨ ਇੰਸਟੀਚਿਊਟ ਅਤੇ ਜ਼ੋਨਲ ਸਕੱਤਰ, ਅਬੋਹਰ-ਫਾਜ਼ਿਲਕਾ-ਸ੍ਰੀ ਗੰਗਾ ਨਗਰ ਜ਼ੋਨ ਹੁਰਾਂ ਕਿਹਾ ਕਿ ਜਥੇਬੰਦੀ ਵਿੱਚ ਸੁਚਾਰੂ ਢੰਗ ਨਾਲ ਕਾਰਜ ਕਰਨ ਹਿੱਤ ਵਿਸ਼ੇਸ਼ ਸੁਭਾਅ ਦੀ ਲੋੜ ਹੁੰਦੀ ਹੈ। ਉਨ੍ਹਾਂ ਆਪਣੇ ਵਿਸ਼ੇ ਨੂੰ ਤਿੰਨ ਹਿੱਸਿਆਂ (1) ਜਥੇਬੰਦਕ ਸੁਭਾਅ ਦੀ ਜ਼ਰੂਰਤ ਕਿਉਂ (2) ਇਹ ਸੁਭਾਅ ਕਿਹੋ ਜਿਹਾ ਹੋਵੇ ਅਤੇ (3) ਇਸ ਸੁਭਾਅ ਨੂੰ ਕਿਵੇਂ ਬਣਾਇਆ ਜਾ ਸਕਦਾ ਹੈ ਵਿੱਚ ਵੰਡ ਕੇ ਹਾਜ਼ਰ ਕਾਰਜਕਰਤਾਵਾਂ ਦੇ ਸਨਮੁੱਖ ਪੇਸ਼ ਕੀਤਾ।
ਜਥੇਬੰਦਕ ਸੁਭਾਅ ਨੂੰ ਕਿਵੇਂ ਘੜਿਆ ਜਾ ਸਕਦਾ ਹੈ ਇਸ ਬਾਰੇ ਉਨ੍ਹਾਂ ਕਿਹਾ ਕਿ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅਤੇ ਸਿੱਖ ਵਿਰਸੇ ਤੋਂ ਅਗਵਾਈ ਲੈ ਕੇ ਹੀ ਕਾਰਜਕਰਤਾ ਨੇ ਆਪਣੇ ਗੁਣਾਂ ਵਿੱਚ ਵਾਧਾ ਕਰਨਾ ਹੈ। ਜਥੇਬੰਦਕ ਸੇਵਾ ਹਉਮੈ ਅਤੇ ਹੋਰਨਾਂ ਅਵਗੁਣਾਂ ਨੂੰ ਤਿਆਗ ਕੇ ਕੀਤੀ ਜਾਵੇ। ਮਨ, ਭਾਵਨਾ ਤੇ ਦਿਮਾਗ ਦੀ ਇਕਾਗਰਤਾ ਹੋਣੀ ਜ਼ਰੂਰੀ ਹੈ। ਹੰਕਾਰ, ਈਰਖਾ, ਦਵੈਤ ਅਤੇ ਸਾੜਾ ਆਦਿ ਬਿਰਤੀਆਂ ਤੋਂ ਰਹਿਤ ਹੋ ਕੇ ਹੀ ਸੁਖੀ ਸਮਾਜ ਸਿਰਜਣ ਲਈ ਯਤਨਸ਼ੀਲ ਹੋਇਆ ਜਾ ਸਕਦਾ ਹੈ। ਜੀਵਨ ਵਿੱਚ ਆਉਣ ਵਾਲੀਆਂ ਚੁਣੌਤੀਆਂ ਦਾ ਸਾਹਮਣਾ ਨਾਮ ਸਿਮਰਨ ਅਤੇ ਗੁਰੂ ਬਖਸ਼ਿਸ਼ ਸਦਕਾ ਹੀ ਕੀਤਾ ਜਾ ਸਕਦਾ ਹੈ।
- ਕਾਰਜਸ਼ਾਲਾ ਦੇ ਚੌਥੇ ਦਿਨ ਗੁਰਬਾਣੀ ਅਤੇ ਇਤਿਹਾਸ ਵਿੱਚੋਂ ਮਿਲਦੀਆਂ ਜਥੇਬੰਦਕ ਪ੍ਰੇਰਣਾਵਾਂ ਸਬੰਧੀ ਜਾਣੂ ਕਰਵਾਉਂਦਿਆਂ ਸ੍ਰ. ਬਲਜੀਤ ਸਿੰਘ, ਵਾਈਸ ਚੇਅਰਮੈਨ, ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਹੁਰਾਂ ਕਿਹਾ ਕਿ ਅਸੀਂ ਜਦੋਂ ਆਪਣੇ ਇਤਿਹਾਸ ਰੂਪੀ ਪਿਓ ਦਾਦੇ ਦੇ ਖਜ਼ਾਨੇ ਨੂੰ ਖੋਲ੍ਹ ਕੇ ਦੇਖਦੇ ਹਾਂ ਤਾਂ ਸਾਡਾ ਮਨ ਚੜ੍ਹਦੀ ਕਲਾ ਵਿਚ ਆ ਜਾਂਦਾ ਹੈ। ਗੁਰਬਾਣੀ ਅਤੇ ਇਤਿਹਾਸ ਦੇ ਰੂਪ ਵਿਚ ਸਾਡੇ ਪਾਸ ਅਨਮੋਲ ਖਜ਼ਾਨਾ ਮੌਜੂਦ ਹੈ। ਉਨ੍ਹਾਂ ਗੁਰੂ ਸਾਹਿਬਾਨ ਦੇ ਜੀਵਨ ਵਿਚੋਂ ਸਾਖੀਆਂ ਅਤੇ ਘਟਨਾਵਾਂ ਦੇ ਹਵਾਲਿਆਂ ਨਾਲ ਵੱਖ-ਵੱਖ ਪ੍ਰੇਰਣਾਵਾਂ ਦਾ ਵਰਨਣ ਕੀਤਾ। ਸਿੱਖ ਧਰਮ ਦੇ ਬਾਨੀ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਜੀਵਨ ਬ੍ਰਿਤਾਂਤ ਤੋਂ ਉਨ੍ਹਾਂ ਸੱਚ ਕਹਿਣ ਦੀ ਜੁਰੱਅਤ ਅਤੇ ਨਿੱਜੀ ਸੁੱਖ ਤਿਆਗ ਕੇ ਪ੍ਰਚਾਰ ਲਈ ਨਿਕਲਣ ਦੀ ਪ੍ਰੇਰਣਾ ਆਦਿ ਲੈਣ ਲਈ ਕਿਹਾ।
- ਕਾਰਜਸ਼ਾਲਾ ਦੇ ਪੰਜਵੇਂ ਦਿਨ ਪ੍ਰੋ. ਮਨਿੰਦਰ ਸਿੰਘ, ਸਟੇਟ ਪ੍ਰਧਾਨ, ਪੰਜਾਬ ਸਟੇਟ ਕੌਂਸਲ, ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਹੁਰਾਂ ਵਿਸ਼ੇ “ਸਵੈ-ਇੱਛਤ ਸੇਵਾ : ਪ੍ਰੇਰਣਾ ਅਤੇ ਸ਼ਕਤੀਕਰਣ ਰਾਹੀਂ ਸਵੈ-ਇੱਛਤ ਸੰਗਠਨ ਦੀ ਤਿਆਰੀ” ਸਬੰਧੀ ਕਿਹਾ ਕਿ ਅਕਾਲ ਪੁਰਖ ਵਲੋਂ ਪ੍ਰਾਪਤ ਵੱਡਮੁੱਲੀ ਜ਼ਿੰਦਗੀ ਦੀ ਸਹੀ ਕੀਮਤ ਦੀ ਅਸਲ ਪਛਾਣ ਹੀ ਇਸ ਦੀ ਯੋਗ ਵਰਤੋਂ ਦੀ ਕੁੰਜੀ ਹੈ। ਉੱਚਾ ਮਕਸਦ ਜ਼ਿੰਦਗੀ ਨੂੰ ਭਰਪੂਰ ਅਤੇ ਅਸਰਦਾਰ ਬਣਾ ਦਿੰਦਾ ਹੈ। ਭੋਗ ਵਿਲਾਸ ਤੇ ਸ਼ੋਹਰਤ ਜ਼ਿੰਦਗੀ ‘ਚ ਉਪਰਾਮਤਾ ਲਿਆਉਂਦੇ ਹਨ।
ਉਨ੍ਹਾਂ ਮਨੁੱਖ ਦੇ ਮਨੋਵਿਗਿਆਨਕ ਆਧਾਰਾਂ ਨਾਲ ਜੁੜੇ ਸੂਖਮ ਨਿਰਣਿਆਂ, ਭੁਲੇਖਿਆਂ, ਮਕਸਦਾਂ, ਭੋਗਵਿਲਾਸੀ ਇਛਾਵਾਂ ਅਤੇ ਮਾਨਸਕ-ਆਤਮਕ ਸਵਾਧੀਨਤਾ ਦਾ ਵਰਣਨ ਬਹੁਤ ਕੁਸ਼ਲਤਾ ਨਾਲ ਕੀਤਾ। ਉਨ੍ਹਾਂ ਇਤਿਹਾਸ ਵਿੱਚੋਂ ਚੜ੍ਹਦੀ ਕਲਾ ਦੇ ਪ੍ਰਤੀਕ ਕਾਂਡਾਂ ਦਾ ਵਰਣਨ ਵੀ ਕੀਤਾ। ਵਿਦੇਸ਼ੀ, ਦੇਸੀ ਵਿਦਵਾਨਾਂ ਦੇ ਕਥਨ ਨਾਲ ਪਰੋਤੇ ਉਹਨਾਂ ਦੇ ਵਿਚਾਰਾਂ ਵਿੱਚ ਭਾਈ ਗੁਰਦਾਸ, ਗੁਰਬਾਣੀ ਅਤੇ ਨਿੱਤ ਦਿਨ ਦੇ ਵਰਤਾਰਿਆਂ ਨਾਲ ਸਬੰਧਤ ਛੋਟੀਆਂ ਛੋਟੀਆਂ ਘਟਨਾਵਾਂ ਦਾ ਖੂਬ ਜੜੰਤ ਸੀ।
ਵਿਰਸਾ ਕੈਂਪ- 2020




Das Lesen Ihres Artikels hat sehr viel Spaß gemacht.
Sie können an diesen Online-Webinaren auch mit der Zoom Cloud-Meeting-App teilnehmen
Danke und Grüße
Guru Gobind Singh Studienkreis IT-Zelle
It was fun to read your article. Rayshell Kennie Margery
Thanks for your Appreciation
Guru Gobind Singh Study Circle IT Cell
Ich habe hier einige ausgezeichnete Sachen gelesen. Auf jeden Fall Preis Lesezeichen für einen erneuten Besuch. Ich frage mich, wie viele Versuche Sie unternehmen, um eine so hervorragende informative Website zu erstellen. Esmaria Randall Tamaru
Dank für Ihr Verständnis.
GGSSC IT Cell
Muchas gracias. ?Como puedo iniciar sesion?
Puede unirse a estos seminarios web en línea utilizando la aplicación de reuniones Zoom Cloud. Gracias y saludos
Guru Gobind Singh Study Circle IT Cell