ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਨੇ ਲਿਆ ਨੈਤਿਕ ਸਿੱਖਿਆ ਇਮਤਿਹਾਨ 60 ਹਜ਼ਾਰ ਵਿਦਿਆਰਥੀਆਂ ਨੇ ਕੀਤੀ ਸ਼ਮੂਲੀਅਤ

ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਦੇ ਯੁਵਕ ਸੇਵਾਵਾਂ ਦੇ ਡਾਇਰੈਕਟਰ ਸ੍ਰ: ਸਤਨਾਮ ਸਿੰਘ ਸਲ੍ਹੋਪੁਰੀ ਹੋਰਾਂ ਦੱਸਿਆ ਕਿ ਪੰਜਾਬ ਦੇ ਵੱਖ-ਵੱਖ ਸਕੂਲਾਂ ਦੇ ਵਿਦਿਆਰਥੀਆਂ ਦਾ ਨੈਤਿਕ ਸਿਖਿਆ ਇਮਤਿਹਾਨ ਲਿਆ ਗਿਆ। ਜਿਸ ਵਿੱਚ ਪੰਜਾਬ ਵਿੱਚ 1225 ਸੈਂਟਰਾਂ ਵਿੱਚ 60 ਹਜ਼ਾਰ ਵਿਦਿਆਰਥੀਆਂ ਨੇ ਭਾਗ ਲਿਆ। ਇਮਤਿਹਾਨ ਵਿੱਚ ਅਬਜੈਕਟਿਬ ਟਾਈਡ 100 ਸਵਾਲਾਂ ਦਾ ਜਵਾਬ 100 ਮਿੰਟਾਂ ਵਿੱਚ ਦੇਣ ਲਈ ਕਿਹਾ ਗਿਆ। ਸ੍ਰ: ਸਲ੍ਹੋਪੁਰੀ ਹੋਰਾਂ ਕਿਹਾ ਕਿ ਇਮਤਿਹਾਨ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ 12 ਜ਼ੋਨਲ ਕੋਆਰਡੀਨੇਟਰ ਨਿਯੁਕਤ ਕੀਤੇ ਗਏ ਸਨ। ਅੰਮ੍ਰਿਤਸਰ ਦੇ ਸ੍ਰ: ਹੀਰਾ ਸਿੰਘ, ਗੁਰਦਾਸਪੁਰ ਦੇ ਸ੍ਰ: ਪ੍ਰਿਤਪਾਲ ਸਿੰਘ, ਜਲੰਧਰ ਦੇ ਸ੍ਰ: ਬਖਸ਼ੀਸ਼ ਸਿੰਘ, ਕਪੂਰਥਲਾ ਦੇ ਪ੍ਰੋ: ਮਨਮੋਹਨ ਸਿੰਘ, ਹੁਸ਼ਿਆਰਪੁਰ ਦੇ ਪ੍ਰੋ: ਨਵਪ੍ਰੀਤ ਸਿੰਘ, ਰੋਪੜ ਦੇ ਸ੍ਰ: ਤੇਜਿੰਦਰ ਸਿੰਘ, ਚੰਡੀਗੜ੍ਹ ਦੇ ਸ੍ਰ: ਮਨਜੀਤ ਸਿੰਘ, ਮੋਹਾਲੀ-ਫਤਿਹਗੜ੍ਹ ਦੇ ਡਾ: ਸਰਬਦੀਪ ਸਿੰਘ, ਸੰਗਰੂਰ-ਬਰਨਾਲ-ਮਾਨਸਾ ਦੇ ਸ੍ਰ: ਸੁਰਿੰਦਰਪਾਲ ਸਿੰਘ ਸਿਦਕੀ, ਲੁਧਿਆਣਾ ਦੇ ਸ੍ਰ: ਜਸਪਾਲ ਸਿੰਘ, ਫਿਰੋਜ਼ਪੁਰ-ਮੋਗਾ ਦੇ ਸ੍ਰ: ਗੁਰਚੇਤ ਸਿੰਘ, ਫਰੀਦਕੋਟ-ਮੁਕਤਸਰ-ਬਠਿੰਡਾ ਦੇ ਸ੍ਰ: ਅਵੀਨਿੰਦਰਪਾਲ ਸਿੰਘ ਨੂੰ ਜ਼ੋਨਲ ਕੋਆਰਡੀਨੇਟਰ ਨਿਸ਼ਚਤ ਕੀਤਾ ਗਿਆ। ਸਟੱਡੀ ਸਰਕਲ ਕੈਡਰ ਵਿੱਚੋਂ 2500 ਕਾਰਜ ਕਰਤਾ ਨੂੰ ਸੈਂਟਰ ਸੁਪਰਡੈਂਟ/ਸੁਪਰਵਾਈਜ਼ਰ ਨਿਯੁਕਤ ਕੀਤਾ ਗਿਆ।

ਇਮਤਿਹਾਨ ਦੋ ਦਰਜ਼ਿਆਂ ਵਿੱਚ ਸੀ। ਪਹਿਲਾ ਦਰਜਾ 6ਵੀਂ ਤੋਂ 8ਵੀਂ ਕਲਾਸ ਤੱਕ, ਦੂਜਾ ਦਰਜਾ 9ਵੀਂ ਤੋਂ ਬਾਰਵੀਂ ਜਮਾਤ ਤੱਕ ਹੈ। ਹਰੇਕ ਜੋਨ ਵਿਚੋਂ ਤੇ ਹਰੇਕ ਦਰਜੇ ਵਿਚੋਂ ਪਹਿਲੇ ਪੰਜ ਸਥਾਨਾਂ ਤੇ ਰਹਿਣ ਵਾਲੇ ਵਿਦਿਆਰਥੀਆਂ ਨੂੰ ਨਗਦ ਇਨਾਮ ਤੇ ਮੁਮੈਂਟੋਂ ਦੇ ਕੇ ਸਨਮਾਨਤ ਕੀਤਾ ਜਾਵੇਗਾ। ਜੇਤੂ ਵਿਦਿਆਰਥੀਆਂ ਨੂੰ ਡੇਢ ਲੱਖ ਰੁਪਏ ਦੇ ਨਗਦ ਇਨਾਮ ਵੰਡੇ ਜਾਣਗੇ। ਸਾਰੇ ਨਤੀਜੇ ਜ਼ੋਨਲ ਪੱਧਰ ਤੇ ਜ਼ੋਨਲ ਕੌਂਸਲਾਂ ਰਾਹੀਂ ਤਿਆਰ ਕੀਤੇ ਜਾਣਗੇ।

ਜਥੇਬੰਦੀ ਦੇ ਚੀਫ਼ ਆਰਗੇਨਾਈਜ਼ਰ ਪ੍ਰਿੰ: ਰਾਮ ਸਿੰਘ, ਚੀਫ਼ ਸਕੱਤਰ ਸ੍ਰ: ਇੰਦਰਪਾਲ ਸਿੰਘ, ਇੰਚਾਰਜ ਕੇਂਦਰੀ ਦਫ਼ਤਰ, ਡਾ: ਪੁਸ਼ਪਇੰਦਰ ਸਿੰਘ ਤੇ ਸਮੁੱਚੀ ਸੁਪਰੀਮ ਕੌਂਸਲ ਨੇ ਯੁਵਕ ਸੇਵਾਵਾਂ ਡਾਇਰੈਕਟੋਰੇਟ, ਪੰਜਾਬ ਸਟੇਟ ਕੌਂਸਲ ਦੇ ਪ੍ਰਧਾਨ ਪ੍ਰੋ: ਆਪਿੰਦਰ ਸਿੰਘ ਮਾਹਿਲਪੁਰੀ, ਪੰਜਾਬ ਸਟੇਟ ਦੇ ਸਕੱਤਰ ਸ੍ਰ: ਪ੍ਰਿਥੀ ਸਿੰਘ ਖਾਲਸਾ ਤੇ ਕਾਰਜਕਾਰੀ ਸਕੱਤਰ ਡਾ: ਲਖਵਿੰਦਰ ਸਿੰਘ, ਸਮੂਹ ਕੋਆਰਡੀਨੇਟਰਾਂ, ਸੈਂਟਰ ਸੁਪਰਡੈਂਟਾਂ, ਪ੍ਰਿੰਸੀਪਲ/ਅਧਿਆਪਕ ਸਾਹਿਬਾਨ ਤੇ ਵਿਦਿਆਰਥੀਆਂ ਨੂੰ ਇਮਤਿਹਾਨ ਦੀ ਸਫਲਤਾ ਦੀ ਵਧਾਈ ਦਿੱਤੀ ਤੇ ਸਹਿਯੋਗ ਲਈ ਸਾਰਿਆਂ ਦਾ ਧੰਨਵਾਦ ਕੀਤਾ।

ਇਸੇ ਤਰ੍ਹਾਂ ਕਾਲਜ ਪੱਧਰ ਦਾ ਨੈਤਿਕ ਸਿੱਖਿਆ ਇਮਤਿਹਾਨ 20 ਨਵੰਬਰ 09 ਨੂੰ ਕਰਵਾਇਆ ਜਾਵੇਗਾ।