ਪਿੰਡ ਪੂਨਾ (ਹਿਮਾਚਲ ਪ੍ਰਦੇਸ਼) ਵਿਖੇ ਗੁਰਬਾਣੀ ਕੰਠ ਮੁਕਾਬਲੇ

ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਛਤਰ ਛਾਇਆ ਹੇਠ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਪਿੰਡ ਪੂਨਾ (ਹਿਮਾਚਲ ਪ੍ਰਦੇਸ਼) ਦੇ ਸਹਿਯੋਗ ਨਾਲ ਸਟੱਡੀ ਸਰਕਲ ਹਿਮਾਚਲ ਦੇ ਸੇਵਾਦਾਰ ਸ੍ਰ: ਲਖਵਿੰਦਰ ਸਿੰਘ ਦੇ ਵਿਸ਼ੇਸ਼ ਉਪਰਾਲੇ ਸਦਕਾ ਗੁਰਬਾਣੀ ਕੰਠ ਮੁਕਾਬਲੇ ਦਾ ਕਰਵਾਏ ਗਏ, ਜਿਸ ਵਿਚ ਪੰਜਵੀਂ ਤੋਂ ਅੱਠਵੀਂ ਅਤੇ ਨੌਂਵੀਂ ਤੋਂ ਬਾਰ੍ਹਵੀਂ ਤੱਕ ਦੇ ਦੋ ਗਰੁੱਪ ਦੇ ਬੱਚਿਆਂ ਨੇ ਹਿੱਸਾ ਲਿਆ| ਇਨ੍ਹਾਂ ਮੁਕਾਬਲਿਆਂ ਵਿਚ ਜਾਪੁ ਸਾਹਿਬ ਵਾਸਤੇ 1100/- ਦਾ ਵਿਸ਼ੇਸ਼ ਇਨਾਮ ਰੱਖਿਆ ਗਿਆ ਸੀ| ਹੋਰਨਾਂ ਬਾਣੀਆਂ ਲਈ ਵੀ ਨਕਦ ਇਨਾਮ ਰੱਖੇ ਗਏ ਸਨ|  ਗੁਰਬਾਣੀ ਕੰਠ ਮੁਕਾਬਲੇ ਵਿਚ ਦੋ ਪਿੰਡਾਂ (ਬੀਣੇਵਾਲ ਤੇ ਪੂਨਾ ਹਿਮਾਚਲ ਪ੍ਰ੍ਰਦੇਸ਼) ਦੇ ਕੁੱਲ 100 ਦੇ ਕਰੀਬ ਬੱਚਿਆਂ ਨੇ ਬਹੁਤ ਹੀ ਵੱਧ ਚੜ੍ਹ ਕੇ ਹਿੱਸਾ ਲਿਆ| ਇਸ ਪ੍ਰੋਗਰਾਮ ਨੂੰ ਸਫ਼ਲ ਬਨਾਉਣ ਲਈ ਉਚੇਚੇ ਤੌਰ ਤੇ ਸ੍ਰ: ਜਸਵਿੰਦਰ ਸਿੰਘ, ਬੀਬੀ ਹਰਿੰਦਰਜੀਤ ਕੌਰ, ਸ੍ਰ: ਅਮਨਦੀਪ ਸਿੰਘ, ਬੀਬੀ ਅਮਨਦੀਪ ਕੌਰ, ਪ੍ਰਧਾਨ ਸ੍ਰ: ਸੰਤੋਖ ਸਿੰਘ (ਗੁ: ਪ੍ਰਬੰਧਕ ਕਮੇਟੀ ਪੂਨਾ), ਸ੍ਰ: ਦੀਦਾਰ ਸਿੰਘ ਤੇ ਹੋਰ ਪਤਵੰਤੇ ਸੱਜਣਾ ਸ਼ਾਮਲ ਹੋਏ| ਅਖੀਰ ਵਿਚ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ|